சமச்சீர் கல்வி

ராசை நேத்திரன்

கோனார் உரை எழுதி
படித்த காலம் தொலைத்து
நீதி மன்றம் உரை
எழுத காத்திருக்கிறது
இக்கால கல்வி.....
தீண்டிய பின் தான் சுடும்
நெருப்பும் தீண்டாமலே
சுடுகிறதே சமச்சீர் கல்வி
ஆங்கிலம் தொலைக்க
அரும்பாடுபடுகிறான் ஒரு
தமிழன், ஆங்கிலம் அழிந்தால்
தமிழ் அழியும் இன்னொரு
தமிழன்...
படி படி என்றால் ஒரு அம்மா
படிக்காதே படிக்காதே என்கிறது
இன்னொரு அம்மா...
இடையில் முழி பிதுங்கி நிற்கிறது
ஒன்றும் அறியாத பள்ளி
குழந்தை....